erdoghan t r t qurulghanliqining 58-yilliqini tebriklidi

türkiye awazi radiyosi xewiri: jumhur reis rejep tayyip erdoghan t r t qurulghanliqining 58-yilliqi munasiwiti bilen, t r t bash mudiri zahid sobajigha tebrik télégrammisi ewetti.

u tebrik télégrammisida: «dölet axbaratchiliqida dunyada aldinqi orunda turidighan t r t radiyo we téléwiziye tarqitishliridin bashqa, dijital we oxshimighan munberlerdimu yéngiliq yaratmaqta. türkiyening milliy we meniwi bayliqliri, shundaqla bay medeniyitining barliq rengliri eks étidighan türkiye radiyo-téléziye idarisi-t r t, döletning körüsh we anglash xatirisini shekillendürmekte» dédi.

u t r t ning xewerchiliktin tenterbiyegiche, muzikadin höjjetlik filimgiche, balilar filimliridin medeniyetkiche bolghan barliq qanalliri bilen ülge bolushni dawamlashturuwatqanliqini, xelqaraliq qanalliri bilenmu türkiyening dunyadiki awazi boluwatqanliqini tekitlidi.

u mundaq dédi: «xelqimizning ümidlirige jawab bergen we yaqturushigha érishken xizmetlirini emeliyleshtürgen t r t ning muweppeqiyetlik pirogrammiliri bilen pütkül dunyaning nezirige érishishi, dölitimiz üchün ayrim ehmiyetke ige. özini izchil halda yéngilap turuwatqan t r t ning yéngiliq yaritishni asas qilghan axbaratchiliq bilen süpetlik we özige xas layihelerni emelge ashuridighanliqigha ishinimen. qurulghanliqining 58-yilliqi munasiwiti bilen, t r t ailisining her bir ezasigha xizmitide muweppeqiyet tilesh bilen birge, ularni chin qelbimdin salamlaymen» dédi.