hulusi akar tajikstan dölet mudapie minstirini kütüwaldi

türkiye awazi radiyosi xewiri: türkiye dölet mudapie ministiri hulusi akarning teklipige asasen enqerege yéitp kelgen tajikstan dölet mudapie ministiri shireli mirzo herbiy murasim bilen kütüwélindi.

ikki ministir deslepte ayrim körüshti, arqidin heyetler ara uchrishish ötküzüldi.

körüshüshlerde, ikki dölet munasiwiti we rayonluq mudapie, xewpsizlik bilen mudapie sanaitide özara hemkarliq ornitish mesililiri muzakire qilindi.

hulusi akar türkiye bilen tajikstan otturisidiki ortaq étiqad, tarixiy we medeniyet rishtilirini alahide tekitlesh bilen birge, chégra bixeterliki, térrorluqqa qarshi küresh mesililiride özara tejribe almashturushqa teyyar ikenliklirini qeyt qildi.

u tajikstan dölet mudapie ministiri shireli mirzogha ikki dölet otturisidiki herbiy telim-terbiye hemkarliqining kücheytilishining ehmiyitini eskertti.

qeyt qilnishiche, hulusi akar bilen shireli mirzo heyetler ara uchrishishtin kéyin, türkiye-tajikstan herbiy ramka kélishimini imzalighan. arqidin quruqluq armiye qomandanliq ishtabigha bérip, heriket merkizini ziyaret qilghan.