erbash shiwétsiyediki quran kerimge hujum qilinishini lenetlidi
diniy ishlar idarisining bashliqi eli erbash shiwétsiyede islam düshmini irqchi guruppilarning quran kerimge ochuq – ashkara we ighwagerlerche hujum qilishini lenetlidi.
türkiye awazi radiyosi xewiri: türkiye diniy ishlar idarisi teripidin élan qilinghan bayanatta bildürülüshiche, eli arbash, shiwétsiyede islam düshmini irqchi guruppilarning quran kerimge ochuq – ashkara we ighwagerlerche hujum qilishini qattiq eyiblesh we lenetlesh bilen bir waqitta, islam düshmini bu we buninggha oxshighan rohiy dunyasi késel unsurlardin bundaq qebih qilmishlirigha derhal xatime bérishini kütüwatqanliqini tekitlep mundaq dégen: «shiwétsiyediki islam dinigha düshmenlik qilidighan irqchi guruppilarning muqeddes kitabimiz quran kerimge qilghan ochuq – ashkara we ighwagerlerche hujumini qattiq eyibleymen hem lenetleymen. alaqidar tarmaqlarning, bu mubarek ramizan éyida musulmanlargha we muqeddes kitabimiz quran kerimge qaritilghan bu hujumlargha qarshi zörür tedbirlerni qollanmasliqini, ochuq – ashkara halda nepret jinayiti sadir qiliwatqan bu unsurlargha köz yumushini qobul qilishqa bolmaydu. islam düshmini bu we buninggha oxshighan rohiy dunyasi késel unsurlardin bundaq qebih qilmishlirigha derhal xatime bérishini kütüwatimen, hemde xelqara jemiyetni bu unsurlargha qarshi angliq halda ortaq küresh qilishqa chaqirimen.»
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.