qalin: türkiye köp yönilishlik teshebbuslirini izchil dawamlashturidu
jumhur reislik mehkimisi bayanatchisi ibrahim qalin türkiyening tengpungluq pozitsiyesini saqlap, bu halqiliq mezgilde tinchliq, muqimliq, bixeterlik we adalet ornitish üchün köp yönilishlik teshebbuslirini izchil dawamlashturidighanliqini éytti.
türkiye awazi radiyosi xewiri: qalin, ammiwi ortaqlishish tor bétidiki sehipiside, 24 – féwral küni partlighan rusiye – ukraina urushi heqqide élan qilghan bayanatida, ukraina kirizisining barghanséri chongqurlashqan halda dawamlishiwatqanliqini tekitlep mundaq dédi: «özara xataliqlar, yéngi küch tengpungluqi izdinishliri we qisqa muddetlik menpeet pilanliri, ottura – uzaq mezgillik zor istratégiyelik ziyanlarni élip kélidu we insaniy tiragédiyelerni keltürüp chiqiridu. nöwette biz yépyéngi bir soghuq urush dewrige qedem qoyduq. bu urushning tesiri nechche on yil dawamlishidu. yémeklik we énérgiye bixeterlikidin géopolitikiliq siyasiy heriketlendürgüch küch we rayonluq ittipaqdashliqlarghiche bolghan her sahede yéngi küch tengpungluqi ornitilidu. türkiye tengpungluq pozitsiyesini saqlap, bu halqiliq mezgilde tinchliq, muqimliq, bixeterlik we adalet ornitish üchün köp yönilishlik teshebbuslirini izchil dawamlashturidu.»
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
