chawushoghlu girétsiye bilen bolghan munasiwetler toghrisidiki soallargha jawab berdi

türkiye awazi radiyosi xewiri:  tashqi ishlar ministiri mewlüt chawushoghlu siyaset, iqtisad we ijtimaiy jemiyet tetqiqatliri wexpisi (SETA)  «kiriter zhurnili» da, bash kordinator burhanettin duranning soallirigha jawab berdi.

u qibris mesilisige munasiwetlik bir soalgha jawab bergende, yillardin buyan fédératsiye asasida muzakirelerning ötküzülgenlikini, biraq qibris rum teripining siyasiy barawerlikni qobul qilmasliqi bilen, bu muzakirelerning meghlub bolghanliqini bildürdi.

u barliq tereplerge araldiki emeliyetke diqqetni merkezleshtürüsh kérekliki signalini bergenliklirini eskertip: «qibris türklirige yürgüzülgen qosh ölchemlik siyasettin waz kéchish kéreklikini dewatimiz. tereplerning araldiki emeliyetke uyghun ikki döletlik hel qilish charisini, özgiriwatqan shert-sharaitlar dairiside téximu diqqet qilghan halda nezerge alidighanliqigha ishinimiz. bügün girétsiye bilen diyalog qanallirining ilgirikidin téximu keng ochuq ikenlikini éytalaymiz. türkiye mesililerni hel qilish üchün semimiy diyalogni qollaydu. biz iqtisadiy we soda munasiwetliridiki ijabiy weziyetni téximu ilgiri sürüsh üchün tirishchanliq körstiwatimiz. iqtisadta özara hemkarliqqa merkezleshken musbet weziyet, 2021-yili ikki terep sodisigha ijabiy tesir körsitishke bashlidi. 2020-yiligha sélishturulghanda %70 éship 5.2 milyard dollargha yetti. bu ijabiy weziyetning girétsiye bilen mesililerni semimiy halda talash-tartish qilalaydighan muhitni peyda qilishini ümid qilimiz. biz bu heqte üstimizge chüshken wezipini ada qiliwatimiz. girétsiyedinmu bu nuqtida oxshash semimiylik we oxshash siyasiy iradeni körsitishini kütimiz» dédi.