qalin we önal abbas bilen körüshti
pelestin dölet reisi mehmud abbas jumhur reislik mehkimisi bayanatchisi ibrahim qalin bilen türkiye muawin tashqi ishlar ministiri sidat önalni ramallahta qobul qildi.
türkiye awazi radiyosi xewiri: diplomatik menbelerning bildürüshiche, pelestinde dölet ishliri ziyaritide bolghan türkiye heyiti, rammallahta pelestin dölet reisi mehmud abbas bilen bir yerge jem bolghan.
türkiye – pelestin munasiwetliri muzakire qilinghan uchrishishta, türkiye heyitining «ikki döletlik tüzümge asaslinidighan hel qilish charisi dairiside türkiyening pelestin xelqini qollashni dawamlashturidighanliqi» otturigha qoyulghan.
buningdin bashqa yene, türkiye heyiti, pelestin tashqi ishlar ministiri riyad elmaliki bilenmu körüshken. türkiyening pelestinde turushluq bash konsuli bash elchi ehmed riza demirermu ishtirak qilghan uchrishishta, ikki dölet munasiwetliri heqqide muzakire élip bérilghan.
igilinishiche, qalin bilen önalning, bügünmu israiliye tashqi ishlar ministirliqi we pirézidént mehkimisi dairiliri bilen bir yerge jem bolushi pilanlanmaqta iken.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.