«xelipe rawiqi» gha türkiye bayriqi eks ettürüldi
ereb birleshme xelipilikining eng égiz binasi «xelipe rawiqi» gha jumhur reis rejep tayyip erdoghanning ziyariti harpisida türkiye bayriqi bilen türkche «qizghin qarshi alimiz» dégen xetler eks ettürüldi.
türkiye awazi radiyosi xewiri:türkiyening ebu zebi bash elchisi tugay tuncher, ereb birleshme xelipilikining dunyagha dangliq eng égiz bina layihesi «burj xelife <xelipe rawiqi>» ning türkiye bayriqi bilen yorutulghan körünüshi (widéosi) ni ammiwi ortaqlishish tor bétidiki sehipiside hembehirlidi.
bash elchi tuncher, «istiqlal marshi» gha tengkesh qilinip tartilghan widéo heqqide mundaq dédi: «bügün ereb birleshme xelipiliki bilen türkiye munasiwetliride tarixiy ehmiyiti nahayiti zor muhim bir kündur. derweqe, bu widéo, ereb birleshme xelipilikining jumhur reis rejep tayyip erdoghanni qizghin qarshi alidighanliqining namayendisidur.»
jumhur reis rejep tayyip erdoghan, ebu zebi text warisi shahzade sheyx muhemmed bin zayid ennehyanning teklipige biinaen, bügün we ete ereb birleshme xelipilikide dölet ishliri ziyaritide bolidu.
jumhur reis erdoghanning ziyariti dairiside ishqa ashurulidighan uchrishishlarda, türkiye – ereb birleshme xelipiliki munasiwetlirige keng dairilik qarap chiqilidu, hemde ikki dölet otturisidiki hemkarliqni tereqqiy qildurush imkaniyetliri heqqide muzakire élip bérilidu.
buningdin bashqa yene, jumhur reis erdoghan, dunya yermenkisi «EXPO 2020 dubey» ge bérip, «türkiye dölet bayrimi küni» qilip békitilgen 15-féwralda türkiyening körgezme sahesini ziyaret qilidu.
