türkiye – qatar otturisida hemkarliq kélishim layihesi imzalandi
türkiye büyük millet mejlisi bashliqi mustafa shentop qatarning paytexti dohada qatar shura mejlisining bashliqi hesen bin abdullah elghanim bilen bir yerge jem boldi.
türkiye awazi radiyosi xewiri: qatarning resmiy xewer agéntliqi (QNA) ning xewer qilishiche, türkiye büyük millet mejlisi bashliqi mustafa shentop bilen qatar shura mejlisining bashliqi hesen bin abdullah elghanimning uchrishishida, ikki dölet otturisidiki munasiwetler we parlaméntlar ara hemkarliqni kücheytish imkaniyetliri heqqide muzakire élip bérilghan, shundaqla, türkiye – qatar parlaméntlar ara hemkarliqni yenimu yüksek sewiyege yetküzüsh nishan qilinghan kélishim layihesi imzalanghan.
qatar shura mejlisining bashliqi hesen bin abdullah elghanim, imzalanghan bu kélishim layihesining, qérindash ikki dölet otturisidiki munasiwetlerning parlaméntlar otturisidimu kücheytishte muhim rol oynaydighanliqini, bu arqiliq qatar – türkiye otturisidiki munasiwetler we hemkarliqning yenimu yüksek sewiyege yétidighanliqini. jümlidin, kélishim layihesining, ikki döletning oxshimighan sahelerdiki chongqur munasiwetlerning namayendisi ikenlikini qeyt qilghan.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
