faxrettin altun: türkiye emdilikte oyun buzghuchi emes, oyun qurghuchi dölettur

türkiye awazi radiyosi xewiri: jumhur reislik uchur – alaqe idarisi bashliqi faxrettin altun küchlük bir atlinish bilen yéngi dewrning türkiye dewri bolidighanliqini tekitlep, «chünki türkiye rastinla burunqi türkiye emes, heqiqeten chong we küchlük dölettur, bügünki künde, peqetla oyun buzghuchi emes, oyun qurghuchi bir dölettur. yalghuz muqimliq arilila emes, belki yene muqimlashturghuchi küchtur» dédi.

istanbulda jumhur reislik uchur – alaqe idarisi teripidin 2020-yildin 2021-yillighiche istratégiyelik bahalash we 2022-yildin 2023-yilliq nishan/ pikir almashturush we iqtidarini tereqqiy qildürüsh istiqbal xizmet söhbet yighini chaqirildi.

faxrettin altun yighinda, «türkiyening alaqe endizisi: 2023- , 2053- we 2071-yilliq nishani» témisida doklat berdi.

faxrettin altun 2019-yilida kowid-19 yuqumi sewebidin nurghunlighan ijtimaiy döletler chékingen weziyette, muqim bashqurush sisitémisi bilen yer shari xaraktérliq jeryanlargha tesir körsitishke bashlighan türkiye üchün «yer sharining malimanchiliq muhitidiki muqimliq arili» dégen teripni ishlitip, dölet mudapie sanaiti, sehiye sistémisi, tashqi siyaset we insanperwerlik yardimi, yer shari markiliri we türkiyening yéngi iqtisad endizisi bilen rayongha we dunyagha ülge bolghanliqini tilgha aldi.

faxrettin altun yene bir tereptin türkiyening yéngi iqtisadiy endize bilen yer shari xaraktérliq béqindiliq zenjirini üzüp tashlash üchün nahayiti küchlük qedem tashlighanliqini bildürüp, kelgüside téximu küchlük qedemlerning tashlinidighanliqini éytti.

türkiye berpa qilghan küchlük modéllarni chüshendürüsh üchün uchur – alaqidimu «türkiye modéli» gha ötkenlikini eskertken faxrettin altun, bu küchlük modéllarning pütün dunyagha toghra, ishenchlik we del waqtida tepsilati bilen chüshendürülidighanliqini bayan qildi.

mezkur söhbet yighinigha türkiye radio-téléwiziye idarisi(t r t) mudiriyet reisi ehmed albayraq, t r t bash dériktori mehmet zahid sobachi, axbarat, élan kéngishi bash dériktori ridwan duran, anadolu agéntliqi muawin bash diréktori we bash muherrir yüsüp özen, jumhur reislik uchur – alaqe idarisi dériktorliri, bölüm bashliqliri, rayonluq we shöbe bashliqliri shundaqla xadimlar bilen birge yerlik we chetellik axbaratchilarmu qatnashti.