türkiye nigérning mali chégrasida yüz bergen térrorluq hujumini eyiblidi

türkiye awazi radiyosi xewiri: türkiye tashqi ishlar ministirliqining yazma bayanatida, nigérning téra-tillabéri rayonidiki «G5 birleshme sahil küchi» bazisigha qilinghan térrorluq hujumida 29 eskerning jénidin ayrilghanliqidin chongqur qayghuruluwatqanliqi bildürüldi.

bayanatta: «bu xainlarche qilinghan térrorluq hujumini qattiq eyibleymiz. hujumda jénidin ayrilghan eskerlerning aililirige, dost we qérindash nigér xelqi hemde hökümitige teziye bildürimiz» déyildi.

nigér taratquliri  tünügün (2021-yili 5-dékabir) «G5 birleshme sahil küchi» bazisishd kimliki namelum qoralliq kishiler teripidin hujum qilinghanliqini xewer qilghan idi.

deslepki melumatlarda qeyt qilinishiche, hujumda 29 esker jénidin ayrilghan. chiqqan étishishlarda, 79 térrorist étip öltürülgen.