türkiye hawa yolliri yawropa boyiche eng köp uchqan 2 - awiyatsiye shirkiti boldi
türkiye hawa yolliri shirkiti, 22 – noyabirdin 28 – noyabirghiche kündilik 1019 uchush bilen, yawropadiki uchush qétim sani eng köp ikkinchi awiyatsiye shirkiti bolup qaldi.
türkiye awazi radiyosi xewiri: yawropa awiyatsiye bixeterliki teshkilati (EUROCONTROL) ning 11-ayning 22-künidin 28-künigiche bolghan ariliqtiki awiyatsiye qatnishigha alaqidar sanliq melumatlirigha qarighanda, heptide 140 ming 372 qétim, künige 20 ming 53 qétim awiyatsiye qatnishi ishqa ashurulghan.
«kowid – 19» yuqumigha qarshi küresh tedbirliri dairisidiki cheklimilerning asasiy jehettin bikar qilinishigha egiship, irélandiye Ryanair goruhi, künige 2103 qétim uchqan, shuning bilen, yawropadiki uchush qétim sani eng köp birinchi awiyatsiye shirkiti bolup qalghan.
türkiye hawa yolliri shirkiti, kündilik 1019 uchush qétim sani bilen 2 – retke, luftansa awiyatsiye shirkiti, kündilik 934 uchush qétim sani bilen 3 – retke tizilghan.
pégasus awiatsiye shirkiti bolsa, kündilik 401 uchush qétim sani bilen 10 – retke tizilghan.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
