türkiye elchixanisi éfiyopiyede turushluq türkiye puqralirigha agahlandurush élan qildi
éfiyopiyediki toqunushtin kéyin, eddis ababada turushluq türkiye elchixanisi türkiye puqralirigha bu dölettin chiqip kétishni tewsiye qildi.
türkiye awazi radiyosi xewiri: türkiye elchixanisining resmiy tiwittér hésabaida élan qilinghan bayanatta, «éfiyopiyening bixeterlik weziyitide téz özgirish bolmaqta. bu weziyette éfiyopiyede turushluq puqralirimizning pilanlanghan nöwetchi ayropilanlar bilen éfiyopiyedin ayrilishi tewsiye qilinidu». dégen sözler ishlitildi.
éfiyopiye hökümiti 2-noyabir jenubqa qarap ilgirileshni dawamlashturiwatqan qozghilangchi tigray xelq azadliq fronti (TPLF) ning hujumliri sewebidin jiddiy halet élan qilghan idi.
qozghilangchi tigray xelq azadliq fronti (TPLF) ning paytext eddis ababagha qilish éhtimali bolghan hujumigha qarshi mudapie xizmet etriti qurulghan idi.
éfiyopiyening shimalida bir yildin köprek waqit dawamlashqan toqunush sewebidin texminen 2 milyon 500 minggha yéqin puqraning öy-makanliridin ayrighanliqi we rayonda 5 milyondin artuq kishining jiddiy yardemge mohtaj halgha chüshüp qalghanliqi bildürülmekte .
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
