jumhur reis erdoghan rimdiki uchrishishlirini bashlidi

türkiye awazi radiyosi xewiri: dunyaning aldinqi qatardiki 20 chong iqtisadiy küchining rehberliri bilen xelqara teshkilatlarning wekillirini bir yerge jem qilidighan 20 dölet guruhi bashliqlar yighini italiyening paytexti rimda bashlandi.

20 dölet guruhining nöwetchi reisi italiyening nowola qurultay merkizide uyushturghan bashliqlar yighinining échilishi sahibxan bash ministir mariyo diragining méhmanlirini qarshi élishi bilen bashlandi.

diragi türkiye jumhur reisi rejep tayyip erdoghan qatarliq méhmanlarni ishik aldida birmu - bir kütüwaldi, arqidin méhmanliri bilen birlikte aile foto – süriti tartildi.

kowid – 19 yuqumidin kéyin tunji qétim yüzturane chaqirilghan yighinda rehberler sehiye xadimliri bilenmu foto – süretke chüshti, japaliq xizmetliri üchün ularni alqishlidi.

jumhur reis erdoghan yighingha ishtirak qilghan amérika pirézidénti jo baydin, engliye bash weziri  boris jonson, gérmaniye bash ministiri angéla mérkél, hindistan bash ministiri naréndra modé we birleshken döletler teshkilati (b d t) bash katipi antonio gutérrés bilen söhbetleshti.

bashliqlar yighinining birinchi künide «yer shari iqtisadi we yer shari saghlamliqi» témiliq muzakirisini bashlidi.

yighindin kéyin ayrim uchrishishlirini bashlighan jumhur reis erdoghan, yawropa ittipaqi komitéti bashliqi ursula won dér léyénni qobul qildi.

yighinda, yuqum mezgilide iqtisadning eslige kélishi, waksina emlesh paaliyiti we yuqum mezgilidiki salametlikke munasiwetlik gewdilik tereqqiyatlar muzakire qilinidu.

jumhur reis  erdoghan «téximu yaxshi eslige kélish üchün kichik tiptiki karxanilar bilen ayallar igidarchiliqidiki karxanilarni qollash» témiliq yighini we chüshlük ziyapetke ishtirak qilidu.

italiye bash ministiri mariyo diragi sahibxanliqidiki medeniyet paaliyitige ishtirak qilidighan erdoghan, arqidin italiye pirézidénti sérgiyo mattaréllaning wekiller ömekliri bashliqlirigha béridighan  kechlik ziyapetkimu qatnishidu.