liwandiki türkiye qisimlirining wezipe ötesh mudditi uzartildi
liwandiki türkiye qisimlirining wezipe ötesh mudditini 1 yil uzartish nishan qilinghan qararname türkiye büyük millet mejlisining testiqidin ötti.
türkiye awazi radiyosi xewiri: türkiyening, liwanda turushluq birleshken döletler teshkilati waqitliq wezipe ötesh küchige yardem bériwatqan türkiye qisimlirining wezipe ötesh mudditini bir yil uzartish nishan qilinghan qararname, türkiye büyük millet mejlisi omumiy kéngishida muzakirige qoyuldi.
herqaysi siyasiy partiyelerning wekilliri söz qilghandin kéyin awazgha qoyulghan qararname, qobul qilindi.
shuning bilen, türkiyening, liwanda turushluq birleshken döletler teshkilati waqitliq wezipe ötesh küchige yardem bériwatqan türkiye qisimlirining wezipe ötesh mudditi, 31 – öktebirdin étibaren bir yil uzartilghan boldi.
tünügün, türkiye büyük millet mejliside, türkiye armiyesining zörür tépilghanda chégra halqighan herbiy heriket élip bérish we mudaxilide bolush üchün iraq we süriyege ewetilishi mesiliside jumhur reisqa bérilgen hoquqning mudditini 2 yil uzartishqa munasiwetlik qararnamemu qobul qilinghanidi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
