erdoghan pütün dunyani israiliyening mesjidi eqsagha qilghan hujumigha qarshi heriketke chaqirdi
jumhur reis rejep tayyip erdoghan israiliyening mesjidi eqsagha, quddusqa we pelestinliklerning öylirige qiliwatqan hujumlirigha qarshi islam döletlirini we pütün dunyani ünümlük heriketke ötüshke chaqirdi.
türkiye awazi radiyosi xewiri: jumhur reis erdoghan tiwittér hésabidiki yazmisida, «men pütün dunyani, bolupmu islam döletlirini israiliyening mesjidi eqsagha, quddusqa we pelestinliklerning öylirige qiliwatqan hujumlirigha qarshi ünümlük heriket qilishqa chaqirimen» dégen sözlerni ishletti.
erdoghan tiwittérda hembehirligen yazmisida, «quddus pütün dunyadur. u yerdiki musulmanlarmu barliq insaniyettur» serlewhisi astida pikir bayan qilip, «muqeddes sheher quddusning sheripi, izzet-hörmiti, we numusini qoghdash her bir musulmanning boynidiki mejburiyettur. mesjidi eqsa qatarliq quddustiki ibadetxanilargha we musulmanlargha qaritilghan her bir hujum, öz nöwitide yene bizlerge qilinghan hujumdur. üch dinning muqeddisatlirini öz ichige alghan quddusni wijdansiz, exlaqsiz, qanunsiz we hörmetsiz hujumliri bilen bulghighan zalimlargha qarshi turush, özini insan deydighan her bir kishining mejburiyitidur. israiliye dölitining hujumini sükütte turush yaki körünerlik derijide qarshi pozitsiye bildürmeslik arqiliq wasitilik qollighan kishilerning hemmisi, u yerdiki zulumgha ortaqtur» dédi.