türkiye armiyesining iraqning shimalidiki herbiy heriketliri dawamlashmaqta

türkiye awazi radiyosi xewiri: türkiye armiyesining iraqning shimalida élip bériwatqan «penche – chaqmaq» we «penche – güldürmama» namliq térrorchilargha zerbe bérish heriketliri hawa sharaitining nachar, yer tüzülüshining murekkep bolushigha qarimay izchil dawam qilmaqta.

türkiye jumhuriyiti dölet mudapie ministirliqi ijtimaiy taratqudiki adrésida «penche – chaqmaq» we «penche – güldürmama» zerbe bérish heriketlirige ishtirak qiliwatqan eskerlerning körünüshlirige orun bérilgen bir widéo tarqatti.

widéoda, eskerler boran – chapqunluq hawada postta turuwatqan esnada arqa – arqidin chüshüp asmanni yorutqan chaqmaqlarning körünüshliri orun aldi.

ministirliq, qehriman we pidakar eskerlerning hawa sharaitining nachar, yer tüzülüshining murekkep bolushigha qarimay, herbiy heriketlirini dawamlashturuwatqanliqini eskertti.

widéo «rayondiki eng axirqi térrorchi bir terep qilinip bolghuche herqandaq ehwal we sharaitta térror uwilirigha kirishni dawamlashturimiz» dégen uchur bilen birlikte hembehirlendi.