chawushoghlu: yawropa rehberlirining türkiye ziyariti jeryanidiki orunlashturushlar telepke uyghun

türkiye awazi radiyosi xewiri: dölitimiz tashqi ishlar ministiri mewlüt chawushoghlu, kuweyt tashqi ishlar, qoshumche ichki kabinétqa mesul dölet ishliri ministiri sheyx ehmed nasir muhemmed essabah bilen paytext enqerede qoshma muxbirlarni kütüwélish yighini ötküzdi.

chawushoghlu, yawropa ittipaqi kéngishi bashliqi charléz mishél bilen yawropa ittipaqi komitéti bashliqi ursula won dérléyénning türkiye ziyariti we resmiy orunlashturushlargha munasiwetlik detalashlargha dair soallargha jawab berdi.

uzun tarixqa ige bir dölet bolghan türkiyening tunji qétim méhman kütüwalmighanliqini eskertken chawushoghlu, türkiyediki uchrishishlargha alaqidar resmiy orunlashturushlarning xelqaraliq kütüwélish ölchemliri we türk méhmandostluqi ramkisi ichide bolghanliqini tekitlidi.

türkiyening naheq eyiblewatqanlarning barliqigha isharet qilghan chawushoghlu: «her qétimliq ziyarettin ilgiri orunlashturghuchilar bir yerge jem bolup, orunlashturush toghrisida muzakire ötküzidu. orunlashturushlarda yawropa ittipaqi terepning telepliri orundaldi. yawropa ittipaqi terepning telipige binaen mushundaq bir olturush tertipi orunlashturuldi» dédi.