erdoghan: türkiyening sayahet yoshurun küchi intayin yuqiri

türkiye awazi radiyosi xewiri: erdoghan partiyesining wilayetlik shöbe bashliqliri kéngeytilgen yighinidiki sözi jeryanida, türkiyening yéngi bir dewrge qedem qoyghanliqigha ishinidighanliqini otturigha qoyup: «bu dewr bizni 21 - esirning aldinqi qatardiki döletlirining biri bolush nishangha yetküzidighan dewr bolidu» dédi.

türkiyening sayahet sahesidiki yoshurun küchining intayin zor ikenlikini eskertken erdoghan, kowid – 19 ni tizginlesh tedbirliri toghrisida toxtilip: «meqsitimiz dölitimizni ramizan éyida omumyüzlük aram aldurup, héyttin kéyinki güzel künler üchün teyyarlashtur. türkiyening öz aldigha yuqumni tizginlesh tedbirlirini boshitishi, hetta öz aldigha yuqumni pütünley yéngishi muhim emes. asasiy mesile, yéqin insaniy we soda munasiwitimiz bolghan rayonlar bashta bolup, dunyadiki omumiy yaxshilinishning arqisida qalmasliq؛ hetta mumkin bolsa, aldida méngishtur. eger ramizan éyidiki tedbirlirimiz arqiliq yuqumlanghuchilar sanini bir qanche minggha qisqartalisaq, may éyida bashlinidighan sayahet pesli we u élip kélidighan soda herikitidin paydilinalaymiz» dégenlerni qeyt qildi.