айваҗик вә айвалиқта онларчә көчмән қутқузувелинди

түркийә авази радийоси хәвири: чанаққәләниң айваҗик наһийәсидә гиретсийә деңиз қирғиқи мудапиәси хадимлири тәрипидин түркийә деңиз тәвәликигә қайтишқа мәҗбурланған 27 көчмән қутқузулуп қуруқлуққа елип чиқилди.

түркийә деңиз қирғиқи мудапиәси қоманданлиқи хадимлири, сивриҗә деңиз тәвәликидики бир кемидә бир түркүм көчмәнләрниң барлиқини ениқлап қутқузуш һәрикити елип берип, гиретсийә деңиз қирғиқи мудапиәси хадимлири тәрипидин түркийә деңиз тәвәликигә қайтишқа мәҗбурланған 27 көчмәнни қутқузувалди.

көчмәнләр мунасивәтлик рәсмийәтлири биҗирилгәндин кейин айваҗик наһийәлик чәт әлликләрни қайтуруветиш мәркизигә өткүзүп берилди.

йәнә, баликәсирниң айвалиқ наһийәси арқилиқ гиретсийәниң мидилли арилиға өтүп кетишкә урунуш әснасида чиплак арили әтрапида қапсилип қалған 24 көчмән қутқузувелинди.

түркийә җумһурийити деңиз қирғиқи мудапиәси хадимлири, айвалиқ деңиз тәвәликидә бир гуруппа көчмәнниң камер кемә билән йолға чиқип чиплақ арилиға йеқин йәргә барғанда кемисиниң моторида кашила көрүлүп ләйләп қалғанлиқи вә йардәм тәләп қиливатқанлиқи тоғрисида учур тапшуруп елип, дәрһал қутқузуш һәрикити орунлаштуруп, 24 көчмәнни қутқузувалди.

көчмәнләр айвалиқ деңиз қирғиқи мудапиәси қоманданлиқиға елип келинди.