mustapa shentop we hemrahliqidiki parlamént ezaliri heyiti ukrainada resmiy ziyarette bolidu

türkiye awazi radiyosi xewiri: mustapa shentop paytext kiyéwda élip baridighan resmiy ziyariti jeryanida, ukraina parlaménti bashliqi dimyitro razumow teripidin qarshi élinidu.

mustapa shentop bilen dimyitro razumow  ayrim söhbettin kéyin, hayetlerara yighinigha riyasetchilik qilidu. andin ikki rehber birleshme axbarat élan qilidu.

shentop ukraina parlaménti omumiy kéngishide sherep deptirige imza qoyidu. paytext kiyéwdiki ghelibe meydanini ékiskursiye qilip, isimsiz qehrimanlar abidisige gülchembirek qoyghandin kéyin, holodomor abidisini ziyaret qilidu.

mustapa shentop we hemrahliqidiki parlamént ezaliri heyiti ukraina ziyariti dairiside, pirézidént wiladimir zélénskiy teripidin qobul qilinidu hemde bash ministir dénis shimixal we tashqi ishlar ministiri dimitro kuléba bilenmu körüshidu.

mustapa shentop irqdash qirim tatar türkliri, ahiska türkliri we gagawz türkliri bilenmu ayrim körüshidu. ukrainadiki türk soda sanaetchiler we puqralar bilen uchrishidu.

parlamént bashliqi mustapa shentop yene, ukrainadiki tarixi jaylarni ziyaret qilidu.