erdoghan kishilik hoquq heriket pilanini élan qildi

türkiye awazi radiyosi xewiri: jumhur reis rejep tayyip erdoghan beshtepe millet kongre we medeniyet merkizide ötküzülgen kishilik hoquq heriket pilanini tonushturush yighinida muhim söz qildi.

u kishilik hoquq heriket pilanining ikki yil ichide ijra qilinish üchün teyyarlanghanliqini eskertti.

u: «erkin ghayige shexs, küchlük jemiyet, démokratik türkiye bolush süpitide belgilengen heriket pilanimiz 11 asasiy pirinsip bilen bashlinidu» dédi.

u aldi bilen aldinqi üch pirinsipni retke tizdi:

1. insan, tughulushtin ige bolghan, waz kéchilmes heq-hoquqliri bilen yashaydu. döletning tüp meqsiti we wezipisi, bu heq-hoquqlarni qoghdash we tereqqiy qildurush.
2. insan qedir-qimmiti, pütkül heq-hoquqlarning mahiyiti bolush süpitide, qanunning küchlük qoghdishi astida bolidu.
3. til, irqi, renggi, jinsiyiti, siyasiy chüshenchisi, pelsepewi étiqadi, dini, mezhipi we buninggha oxshaydighan sewebler bilen her qandaq ayrimichiliq qilishqa bolmaydu. hemme kishi qanun aldida barawerdur.

jumhur reis rejep tayyip erdoghan kishilik hoquq heriket pilanining qalghan toqquz meqsitini töwendikidek retke tizdi:

1. téximu küchlük kishilik hoquqni qoghdash tüzümi؛
2. sotning musteqilliqi we adil sotlinish hoquqini kücheytish؛
3. qanuniy aldin perez qilish we ochuq-ashkariliq؛
4. pikir qilish, teshkillinish we diniy erkinliklerni qoghdash, shundaqla tereqqiy qildurush؛
5. kishining erkinliki we bixeterlikini kücheytish؛
6. kishining maddiy we meniwi pütünlüki bilen shexsiy hayatini bixeterlik kapaliti astigha élish؛
7. mülük hoquqini téximu ünümlük qoghdash؛
8. ajiz qatlamlarni qoghdashni we jemiyet parawanliqini kücheytish؛
9. kishilik hoquq mesiliside, yuqiri sewiyelik memuriy we ijtimaiy angni kücheytish؛