chawushoghlu kirodiye pirézidénti teripidin qobul qilindi
tashqi ishlar ministiri mewlüt chawushoghlu kirodiye pirézidénti zoran milanowich teripidin qobul qilindi.
türkiye awazi radiyosi xewiri: ministir chawushoghlu, ammiwi ortaqlishish tor béti Twitter sehipiside élan qilghan bayanatida, dölet ishliri ziyaritide bolush üchün yétip barghan kirodiyede, tünügün pirézidént milanowich, bash ministir andréj plénkowich we parlamént bashliqi gordan jandrokowich bilen körüshkenlikini éytti, hemde pirézidént milanowich bilen körüshkende, uninggha, jumhur reis rejep tayyip erdoghanning salimi we yaxshi tileklirini yetküzgenlikini tekitlep mundaq dédi: «uchrishishta, yer tewresh apiti sewebidin yene bir qétim teziye bildürduq, kündilik rayonluq mesililer heqqide özara pikir almashturduq.»
chawushoghlu, bash ministir andréj plénkowich bilen körüshkendimu, uninggha jumhur reis rejep tayyip erdoghanning salimi we yaxshi tileklirini yetküzgenlikini eskertip mundaq dédi: «uchrishishta, türk shirketlirini qollighanliqliri üchün kirodiye rehberlirige minnetdarliq bildürduq. yer tewresh rayonlirining qaytidin qurup chiqilishigha yardem bérishke teyyarmiz, kirodiyening türkiyening yawropa ittipaqigha ezaliqi mesilisidiki ijabiy roli nahayiti zor ehmiyetke ige.»
u, kirodiye parlamént bashliqi gordan jandrokowich bilen körüshkende, uninggha türkiye büyük millet mejlisi bashliqi mustafa shentopning salimi we yaxshi tileklirini yetküzgenlikini sözlirige ilawe qilip mundaq dédi: «‹kowid – 19› yuqumidi kéyin türkiye büyük millet mejlisi bashliqimiz kirodiyede ziyarette bolushqa teklip qilinidu, parlaméntlar ara diplomatiyening küchige ishinimiz, parlaméntlar ara munasiwetlerni yenimu kücheytimiz.»
