ege uniwérsitétida yasalghan waksina haywanat tejribiside muweppeqiyetlik boldi

türkiye awazi radiyosi xewiri: ege uniwérsitéti «kowid – 19» yuqumigha qarshi mudapielinish meqsitide türkiye ilmiy we téxnologiyelik tetqiqat orni teripidin tetqiq qilip yasap chiqilghan DNA  waksinasining  haywanatlar üstide élip bérilghan tejribilerde muweppeqiyetlik bolghanliqi, aldimizdiki künlerde kilinikiliq tejribilerning bashlinidighanliqi bildürüldi.

ege uniwérsitéti teripidin bu heqte élan qilinghan yazma bayanatta eskertilishiche, ege uniwérsitéti waksina we tetqiq qilip yasash guruppisining ezasi méditsina fakultéti oqutquchisi dotsént doktor mert döshqaya, tetqiq qiliniwatqan DNA  waksinasining yuqiri biyotéxnikilik waksina ikenlikini, «kowid – 19» yuqumigha qarshi 4 xil waksina tetqiq qilip yasap chiqqanliqlirini tekitlep mundaq dédi: « DNAwaksinasini haywanatlar üstide tejribe qilishta muweppeqiyet qazanduq. biz tetqiq qilip yasap chiqqan 2 xil waksina tejribe haywanlirida küchlük hüjeyre we mexpiy immunitét inkasini qozghidi. emdi biz klinikiliq basquchqa ötimiz, teyyarliqlirimizni tamamlash aldida turuwatimiz.»

u yene, özliri tetqiq qilip yasap chiqqan waksinaning kilinikiliq sinaq basquchida pidaiylarda sinaq qilinidighanliqinimu sözlirige ilawe qildi.