türkiye chet eldin kélidighan yoluchilardin yuqum tekshürüsh körsetküchi telep qilishni bashlaydu
türkiye hawa, quruqluq we déngiz yoli arqiliq kélidighan barliq yoluchilardin yéqinqi 72 saet ichidiki wirus tekshürüsh netijisini körsitishni telep qilish tüzümini yolgha qoyidu.
türkiye awazi radiyosi xewiri: türkiye hawa, quruqluq we déngiz yoli arqiliq kélidighan barliq yoluchilarning yéqinqi 72 saet ichidiki wirus tekshürüsh netijisining selbiy chiqqanliqini delilleydighan poliméraza zenjirsiman réaksiye analizi körsetküchini körsitish tüzümini ete (2020 – yili 30 – dékabir)din bashlap 2021 – yili 3 – ayghiche yolgha qoyushni qarar qildi.
yawropadin türkiyege kirish éghizi bolghan edirnediki chégra éghizidimu etidin bashlap ijra qilinidighan bu tüzüm, quruqluqlardiki chégra éghizliri arqiliq türkiyege kirmekchi bolghan yoluchilardin pasport kontrol qilish ornida yéqinqi 72 saet ichidiki poliméraza zenjirsiman réaksiye tekshürüshi analizini körsitishi telep qilinidu.
tekshürüsh qeghizi yoqlar qaytip kétish hoquqidin paydilansimu yaki türkiyediki turidighan yéri (öy, méhmanxana)de karantin qilinidu.
turidighan éniq orni yoqluqini melum qilghanlar sehiye idarisi teripidin békitilgen jaylarda karantin qilinidu.
karantinning 7 – künidiki poliméraza zenjirsiman réaksiye tekshürüshi netijisi menpiy chiqqanlarning karantin qilinish mudditi toshqan hésablinidu. tekshürüsh netijisi musbet chiqqanlar bolsa, sehiye ministirliqining kowid – 19 bimarlirini dawalash körsetmiliri boyiche dawalinidu.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
