chawushoghlu bangladésh bash ministiri hasina bilen körüshti

türkiye awazi radiyosi xewiri: tashqi ishlar ministiri mewlüt chawushoghlu tiwittérdiki adrésida uchur hembehrilep, dakkada bash ministir sheyx hasina bilen körüshkenlikini uqturdi.

chawushoghlu uchurida, «bash ministir sheyx hasinagha jumhur reisimiz rejep tayyip erdoghanning salamini yetküzduq. elchixana binayimizning échilishini yéqindin qollap – quwwetligenliki üchün sheyx hasinagha rehmet éytimen. sijil tereqqiyati bilen jenubiy asiyaning parlaq yultuzigha ayliniwatqan bangladésh <yéngidin asiya> herikitimizning eng muhim shériklirining biri» dégen ibarilerge orun berdi.

u uchurida yene türkiyening köp qatlamliq tashqi siyaset pozitsiyesi bolghan «yéngidin asiya» teshebbusi dairiside, asiya döletliri otturisida soda, sélinma, maarip, mudapie sanaiti, téxnologiye, medeniyet we siyaset saheliri boyiche söhbet ötküzüshni kücheytishke alahide ehmiyet béridighanliqini tekitligen chawushoghlu, «yéngidin asiya herikiti türkiyening sélinmilirining jughrapiyewi jehettin köp xillashturulushi, xususiy igilikidiki sahelerning soda sahelirining kéngeytilishi, ilmiy hemkarliqlarning kücheytilishi we ijtimaiy tesirning ashurulushi qatarliqlarni meqset qilidu. bangladésh gülliniwatqan iqtisadiy we yash nopusi bilen türkiyening yéngi asiya herikitidiki hel qilghuch orundiki shérikliri qatarida aldinqi qatardin orun almaqta» dégenlerni qeyt qildi.