erdoghan mérkél bilen téléfonlashti

türkiye awazi radiyosi xewiri: jumhur reis rejep tayyip erdoghan türkiyening yawropa ittipaqi bilen bolghan munasiwette yéngi sehipe échishni xalaydighanliqini eskertip, gérmaniye bash ministiri angéla mérkélning bu yoldiki töhpe we tirishchanliqlirigha rehmet éytti.

jumhur reis erdoghan gérmaniye bash ministiri angéla mérkél bilen sin körünüshlük téléfon yighini ötküzdi. yighinda ikki terep munasiwetlirini güllendürüsh yolida tashlinidighan qedemler we yéngi dewrdiki türkiye – yawropa ittipaqi munasiwetliri muhakime qilindi.

yéqinda chaqirilghan yawropa ittipaqi bashliqlar yighinidiki soghuqqan rehberlerning ijabiy küntertipni saqlap qélish toghrisidiki tewsiyelirini muhim dep qaraydighanliqini otturigha qoyghan erdoghan, yene bir tereptin türkiye – yawropa ittipaqi munsiwetlirini kirizis patqiqigha ittirish üchün urunghanlarning ijabiy küntertip we özara nep yetküzüsh üchün échilghan purset penjirisige ziyan yetküzidighanliqini éytti.

erdoghan, türkiyening grétsiye bilen izdinish söhbetlirini qayta bashlashqa teyyar ikenlikini bildürüp, girétsiye terepning yéngi bahanilerni tépip söhbet ötküzüshtin özini qachurghanliqini, türkiyening sherqiy aqdéngiz mesilisidimu yaxshi niyiti we ijabiy pozitsiyesini dawamliq namayan qilip kelgenlikini tekitlidi.

u yene, türkiye - yawropa munasiwetlirining yéqinqi ikki yilda bir qisim ezalarning tar menpeetlirige esir bolup qélishi sewebidin waqit israpigha duchar bolghanliqighimu isharet qilip ötti.