tunji yerlik éléktir poyiz sinaq qilindi

türkiye awazi radiyosi xewiri: qatnash we ul-eslihe ministiri adil karaismailoghlu sakaryada tunji yerlik éléktir poyizini zawut siniqi bashlinidighan murasimda söz qildi.

u tömür yoli téxnologiyeside yerlik we milliy qatnash wastilirini ishlepchiqirishni dawamlashturushta qeiy iradige ikenliklirini bildürüp: «meqsitmiz türkiyening tömür yol qatnash wastiliri ishlepchiqirishining muhim merkizige aylandurushtur» dédi.

u yerlik we milliy poyizining 176 kilométir saetlik tézlikke ige ikenlikini, qatnash we yoluchi bixeterliki, rahetliki jehettin telep hemde ümidlerge yuqiri sewiyede jawab qayturidighan alahidiliklerge ige ikenlikini qeyt qildi.

u besh wagondin terkip tapidighan poyizning 324 kishilik ikenlikini we ikki orunning méyip yoluchilar üchün ayrilghanliqini bildürdi.

u ishlepchiqirishi tamamlanghan örnek poyizning yerlik bolush nisbitining %60 ikenlikini, normal ishlepchiqirishi üchün yerlik bolush nisbitini %80 ke yetküzüshning nishan qilinghanliqini eskertip: «örnek poyizning maliyiti chet ellerdin import qilinghan oxshash mehsulatqa sélishturghanda %20 erzan boldi» dédi.

u yene mundaq dédi:

«dölitimiz téz poyiz we yuqiri süretlik téz poyizlarni özi yasiyalaydighan sewiyege yetti. buningdin kéyinki musapilerde türkiyening chet ellerdin poyiz import qilishigha kérek yoq.»