erdoghan dijital özgichilik yaritidighanliqlirini tekitlidi
jumhur reis rejep tayyip erdoghan keng xelq ammisining qizghin qollishi astida dijital özgichilik yaritip, kélechekke ümid bilen qaraydighanliqlirini éytti.
türkiye awazi radiyosi xewiri: erdoghan ammiwi ortaqlishish tor béti Twitter sehipiside bu heqte élan qilghan bayanatida mundaq dédi: «biz özgirishchan dunyani peqet yiraqtin közitiwatmaymiz, yéqinqi 18 yildin buyan ishlewatqan xizmetlirimiz we séliwatqan mebleghlirimiz arqiliq yéngi dewrning aktiyorliridin birige ayliniwatimiz. xudayim buyrusa, xelqimizning qizghin qollishi astida küchlük dijital özgichilik yaritip, kélechekke ümid bilen qaraymiz.»
jumhur reislik sariyi uchur - alaqe ishliri bashqarmisining bashliqi fahrettin altunmu, ammiwi ortaqlishish tor béti Twitter sehipiside bu heqte toxtalghanda mundaq dédi: «dijital özgichilik yaritish, dijital dunyada heqiqetler asanla özgertiliwatqan bügünki künde nahayiti zor ehmiyetke ige.»
xezine we maliye ministiri berat albayraq mundaq dédi: «yerlik we milliy téxnologiye saheside ishlewatqan xizmetlirimiz, iqtisadiy tereqqiyat nishanlirimiz, diplomatiye siyasitimiz, dijital diplomatiyemiz we milliy bixeterlik paaliyetlirimiz arqiliq digitallashqan kelgüsige teyyarmiz. kélechekning xezinisi bolghan dunyaning sheklini, tüzümini we yönilishini özgertish bizning qolimizda.»