türkiye nigériyege teziye bildürdi
türkiye, gherbiy afriqa döliti nigériyede meydangha kelgen térrorluq hujumini eyiblep, hujumda jénidin ayrilghanlar üchün teziye bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi bayanat bérip, nigériyening borno ölkiside aldinqi küni sadir qilinghan térrorluq hujumida köp sanda ademning jénidin ayrilghanliqi we nurghun ademning yarilanghanliqidin qayghurush ichide xewer tépilghanliqini qeyt qildi.
bayanatta, «bu xainlarche térrorluq hujumini eyibleymiz. hayatidin ayrilghanlargha allahtin rehmet, yaridarlargha téz shipaliqlar tileymiz. nigériye xelqi we hökümitige semimiy teziyelirimizni bildürimiz dégen ibarilerge orun bérildi.
bokoharam térrorluq teshkilati ezalirining, döletning sherqiy shimaligha jaylashqan borno ölkisige qarashliq foduma kolombiye yézisigha hujum qilip, 69 ademning jénigha zamin bolghanliqi, nurghun ademni yarilandurghanliqi bildürülgenidi.
nigériyede 2000 – yillarning bashliridin tartip paaliyet élip bériwatqan bokoharam térrorluq teshkilatining 2009 – yilidin kéyinki keng kölemlik zorawanliq weqeliride 20 mingdin artuq jénidin ayrildi.
térrorluq teshkilati, 2015 – yilidin buyan chégradash döletlerdin kaméron, chad we nigérghimu hujum qilip kelmekte. teshkilatning, chad köli oymanliqidiki hujumlirida kem dégende 2 ming ademning jénidin ayrilghanliqi qeyt qilinmaqta.
