erdoghan jenwede chaqirilidighan «dunya musapirlar munbiri» gha qatnishidu

türkiye awazi radiyosi xewiri: jumhur reislik mehkimisi bayanatchisi ibrahim qalin musapirlar kirizisi toghrisida toxtilip, 16 – dékabirda shiwéytsariyening jenwe shehiride birleshken döletler teshkilati (b d t) musapirlar aliy komissarliqi teripidin ötküzülidighan «dunya musapirlar munbiri» de bolupmu musapirlar kirizisining dunyawi we rayon xaraktérlik tesirlirining etrapliq shekilde muzakire qilinidighanliqini bildürdi.

yighingha jumhur reis rejep tayyip erdoghannimu teng hoquqluq bashliq süpitide ishtirak qilidighanliqini bildürgen qalin, süriyede bixeter rayon tesis qilish we musapirlarning yurt – makanlirigha bixeter halette qaytishi mesilisiningmu b d t bash katipi hem musapirlar aliy komissari bilen kéngishish pursiti bolidighanliqini eskertti.

u sözini dawamlashturup, «musapirlarning qaytishi b d t teripidin belgilgen üch asasiy ölchemge asasen ishqa ashurulidu, yeni bixeter, ixtiyariy we izzet – abroyi qoghdalghan shekilde qaytishlirini kapaletke ige qilidighan xizmetlerni ishlewatimiz» dédi.