Fitch türkiyening kirédit derijisini yükseldürdi
xelqara kiréditni derijige ayrish orgini (Fitch) türkiyening kirédit derijisini « BB-» sheklide békitip, selbiyliktin muqimliqqa yükseldürdi.
türkiye awazi radiyosi xewiri: xelqara kiréditni derijige ayrish orgini (Fitch) teripidin bu heqte élan qilinghan bayanatta, türkiyening iqtisadiy tereqqiyatining tengpunglungni saqlash jehettin ilgirilesh hasil qilghanliqi, iyul éyidin buyan iqtisadiy xirislarni töwen sewiyege chüshürüsh arqiliq yüksilishke qarap yüzliniwatqanliqi tekitlendi.
türkiyening kirédit derijisining yükseldürülüshide, ösüm nisbetlirining töwenlishi, türkiye lirasining qimmitining yuqiri örlishi, yer shari xaraktérlik pul – muamile sodisi sharaitining yaritilishi, amérika qoshma ishtatlirining süriyening shimaliy qismi mesilisi tüpeyli türkiyege qaritilghan émbargo yürgüzüsh qararining bikar qilinishining muhim rol oynighanliqi, shuning bilen bir waqitta, türkiye lirasining iyul éyidin buyan amérika dollirigha qarshi qimmitini izchil saqlap kéliwatqanliqi qeyt qilindi.
xelqara kiréditni derijige ayrish orgini (Fitch) türkiyening 2019 – yilliq iqtisadiy tereqqiyat mölchirinimu % 0.3 tin % 0.8 ke, kéler yilliq iqtisadiy tereqqiyat mölchirini % 3.1 ke, 2021 – yilliq iqtisadiy tereqqiyat mölchirini bolsa % 3.6 ke yükseldürdi.
