erdoghan iraqtiki türk diplomat shéhit bolghan hujumni qattiq eyiblidi
jumhur reis rejep tayyip erdoghan iraqning shimalidiki erbil shehiridiki bir réstoranda yüz bergen we bir türk diplomat shéhit bolghan qoralliq hujumni qattiq eyiblidi.
türkiye awazi radiyosi xewiri: jumhur reis erdoghan ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «erbildiki konsulxana xadimlirimiz nishan qilinghan wehshiylerche hujumni qattiq eyibleymen, hujumda shéhit bolghan konsulxana xadimimizgha allah taaladin rehmet tileymen. hujumning jawabkarlirining téz sürette tépilishi üchün iraq dairiliri we yerlik dairiliri bilen dawamliq alaqe ornitiwatimiz.»
türkiye tashqi ishlar ministirliqi teripidin bu heqte élan qilinghan bayanatta, mundaq déyildi: «bügün (17 – iyul) chüshtin kéyin erbildiki konsulxanimizning bir xadimi bash konsulxana binamizning sirtidiki waqtida wehshiylerche qoralliq hujumgha uchrap shéhit boldi. hujumning jawabkarlirining téz sürette tépilishi üchün iraq dairiliri we yerlik dairiliri bilen dawamliq alaqe ornitiwatimiz. shéhidimizgha allah taaladin rehmet, derd – elemlik ailisige we pütkül türkiye xelqige sewr - taqet tileymiz.»
jumhur reislik sariyi bayanatchisi ibrahim qalinmu, ammiwi ortaqlishish tor béti Twitter sehipiside, bu heqte élan qilinghan bayanatta, qoralliq hujumni qattiq eyiblep mundaq dédi: «bu xainlarche hujumni élip barghuchilargha tégishlik jawab qayturulidu.»
iraqning shimalidiki erbil shehiride türkiye konsulxanisi xadimlirimu bar bolghan bir réstoranda qoralliq hujum yüz bérip, bir türk diplomat shéhit bolghanidi.
