türkiye gambiyege yardem qildi
türkiye gherbiy afriqa döletliridin gambiyege herbiy eslihe yardem qildi.
türkiye awazi radiyosi xewiri: türkiyedin ewetilgen herbiy eslihelerni tapshurup bérish meqsitide gambiyening paytexti banjuldiki herbiy qarargahta ötküzülgen murasimgha, gambiye bash ishtab bashliqi général masannéh kintéh, türkiyening banjulda turushluq bash elchisi ismail yefa yüjeer we köp sanda herbiyler ishtirak qildi.
bash elchi ismail yefa yüjeer murasimda qilghan sözide, türkiyening gambiye armiyesige qoral - yaragh sirtidimu yene her sahede yardem bérip kéliwatqanliqini tekitlep mundaq dédi: «yéqinqi 16 yil ichide türkiye gambiye armiyesige hem telim – terbiye hem herbiy eslihe jehettin yardem qildi, buningdin kéyinmu dawamliq yardem qilidu.»
gambiye bash ishtab bashliqi général masannéh kintéh, türkiyening yardemliridin intayin xursen ikenliklirini, gambiye armiyesining öz rolini jari qeildurushida türkiyening yardemlirining muhim rol oynighanliqini, türkiyening hazirghiche gambiyelik 7 ming 500 eskerni hem gambiyede hem gambiye sirtida terbiyelep bergenlikini qeyt qildi.
igilinishiche, türkiyedin ewetilgen herbiy esliheler arisida herbiy ötükler, herbiy formilar we herbiy somkilar qatarliqlarmu bar iken.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
