qatar kirizisi chawushoghluning latwiye ziyaritining kéchiktürülüshige seweb boldi

türkiye awazi radiyosi xewiri: latwiye tashqi ishlar ministirliqining bu heqtiki bayanatigha qarighanda, chawushoghlu latwiye tashqi ishlar ministiri linas linkéwikiusqa téléfon qilip, ziyaretning kéchiktürülgenlikidin epsuslanghanliqini ipadiligen we ziyaretning her ikki terep muwapiq, dep qarighan bir waqitta ishqa ashurulushini ümid qilidighanliqini bildürgen.

bayanatta, ziyaretning qatarni öz ichige rayon weziyitining nacharlishishi tüpeyli kéchiktürülgenlikimu qeyt qilindi.

chawushoghlu axirqi qétim buningdin ikki yil ilgiri latwiyede dölet ishliri ziyaritide bolghan, latwiye tashqi ishlar ministiri linkéwikius bolsa, 22 – awghustta türkiyede ziyarette bolghanidi.

linkéwikius, fethullahchi térrorluq teshkilatining 15 – iyuldiki herbiy – siyasiy özgirish qozghashqa urunush herikitidin kéyin türkiyede ziyarette bolghan tunji yawropa ittipaqi we nato tashqi ishlar ministiri bolghanidi.

yene bir tereptin, dölitimiz tashqi ishlar ministiri mewlut chawushoghlu, qatar kirizisini hel qilish boyiche téléfon diplomatiyesini dawamlashturmaqta. u bu dairide, tünügün kechte qatar tashqi ishlar ministiri sheyx muhemmed bin abdurrahman essani bilen téléfonda körüshti.

diplomatik menbelerdin igilengen uchurgha asaslanghanda, chawushoghlu bilen qatarliq mensepdéshi tünügünki téléfon söhbitide pars qoltuqi rayonidiki eng yéngi özgirishler toghrisida sözleshken.

ministir chawushoghlu yene, rominiye tashqi ishlar ministiri téodor méléshkano we bulghariye tashqi ishlar ministiri ékatérina zaxariéwa bilenmu ayrim – ayrim halda téléfon söhbiti ötküzdi.