«15 – iyul kéchisi türkiyening dostliri bilen düshmenliri éniq ayrilghan muhim bir kéche»

türkiye awazi radiyosi xewiri: yildirim aghrining doghubayazit nahiyesidiki tendürek téghi gökchebulaq yézisida p k k liq térroristlarning hujumida shéhit bolghan eskerlerni axiretke uzitip qoyush murasimigha qatnishish üchün erzurumgha yétip bardi we bu yerde qilghan sözide, mundaq dédi: «térror türkiyening teqdiri emes. térrorni türkiyening küntertipidin chiqiriwétish bizning burchimiz. buningdin kéyinki küntertipimiz p k k ning sépige qétilish üchün taghqa ketken balilar emes, oqush üchün mektepke ketken balilar bolidu.»

bash ministir bölgünchi térrorluq teshkilatigha yantayaq boluwatqanlarning ete – ögün choqum qilmishigha pushayman qilidighanliqini tekitlidi.

térrorluq teshkilati p k k ning ghayisining hergizmu kordlar emeslikini eskertken yildirim, «térrorluq teshkilati p k k nimu, bu teshkilatning quyruqchilirinimu millitimiz we xelqimiz arisidin tazilaymiz. shuning bilen bir waqitta, yolimiznimu üzlüksiz dawamlashturimiz» dédi.

yildirim fethullahchi térrorluq teshkilati unsurlirining 15 – iyul herbiy isyan urunushi toghruluq toxtalghanda mundaq dédi: «15 – iyul kéchisi türkiyening dostliri bilen düshmenliri éniq ayrilghan muhim bir kéche. shu kéchisi eziz xelqimiz weten xainlirigha tégishlik jawab qayturdi. zéminimizni köz nurimizgha oxshashla asraymiz. xiris qilghanlarni adem bolghinigha pushayman qilghuzimiz. 15 – iyul rohi yoqimighan teqdirde, héchkim, dunyadiki héchqandaq bir küch bizge ziyan – zexmet yetküzelmeydu.