erdoghan türkiye armiyesige munasiwetlik qanun teklipini maqullidi
jumhur reis rejep tayyip erdoghan türkiye armiyesining térrorizmgha qarshi küreshte téximu paal heriket élip bérishigha munasiwetlik qanun teklipini maqullidi.
türkiye awazi radiyosi xewiri: türkiye armiyesi bu qanun teklipi dairiside térrorizmgha qarshi küreshni téximu keng qanat yayduridu. eskerlerning térrorizmgha qarshi küresh jeryanida sadir qilghan jinayetliri herbiy jinayetler hésablinidu.
wezipe ötesh jeryanida türkiye armiyesi xadimliri, qomandanlar, dölet xewpsizlik küchliri we bashqa dölet memurlirining qararliri, ijraatliri we paaliyetliri üstidin döletke ziyan keltürgendila andin tekshürüsh élip bérilidu we sotqa tartilidu.
bash ishtab bashliqi bilen bashqa qomandanlarning wezipe ötesh jeryanida sadir qilghan jinayetliri üstidin peqet bash ministir ruxset qilghandila andin tekshürüsh élip bérishqa bolidu. bashqa herbiy xadimlar teripidin sadir qilinghan jinayetler dölet mudapie ministiri ruxset qilghandin kéyin tekshürülidu.
bu qanun teklipi waqitliq yézi muhapizetchiliri bilen pidaiylarnimu öz ichige alidu.
