wolkan bozqir slowéniyede ziyarette boldi
yawropa ishliri ministiri we bash muzakirechi wolkan bozqir bélgiyening térrorluq teshkilati p k k ning chédir échishigha köz yumushini qobul qilghili bolmaydighanliqini éytti.
türkiye awazi radiyosi xewiri: wolkan bozqir slowéniyede resmiy ziyarette boldi. u t r t xeber muxbirining ziyaritini qobul qilip, soallirigha jawab berdi. u térrorluq teshkilati p k k ning biryussélda qayta chédir qurghanliqini üstide toxtilip mundaq dédi:
«biz üchün intayin sezgür orungha ige enqerede térrorluq hujumi peyda qilip, onlarche bigunah kishilerning jénigha zamin bolghan we bunchiwala köp shéhit bergen türkiyede xatirjemlikni buzup, özi xalighanche tertip ornitishqa urunuwatqan térrorluq teshkilatigha qarshi küresh dawam qiliwatqan bir waqitta, dost dep bilidighan bir döletning paytextide otturigha chiqqan bu menzireni qobul qilish heqiqetenmu mumkin emes.»
u türkiye – yawropa ittipaqi birlikining aliy rehberler yighinida wiza resmiyetlirini emeldin qaldurush mesilisining muzakire qilinghanliqini, türkiyening ada qilishi kérek bolghan 72 maddidin 41 ining orunlanghanliqini, bashqilirini orunlash üchün xizmetlerning téz sürette ishliniwatqanliqini tekitlidi.
u yawropa ittipaqi türkiyedin kütüwatqan shertlerning téz sürette orunliniwatqanliqini, türkiye puqraliri üchün wizining emeldin qaldurulushi yolida bir tosqunluq yoqluqini eskertti.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
