18.04.2024

türkiye awazi radiyosi: «xeber türk géziti», jumhur reis rejep tayyip erdoghanning ghezzede 14 ming balini öltürgen isirailiyening gitlérningmu aldigha ötüp ketkenlikini éytqanliqini xewer qildi.

xewerde, rejep tayyip erdoghanning her qandaq ehwal astida pelestinning musteqilliq kürishini jasaret bilen qollaydighanliqlirini bildürgenliki qeyt qilindi.

«yéngi shepeq géziti», jumhur reis rejep tayyip erdoghanning hamasning pelestin zéminlirini ishghalchi isirailiyege qarshi qoghdighan qarshiliq körsitish herikiti ikenlikini yene bir qétim tekitligenlikini xewer qildi.

xewerde, rejep tayyip erdoghanning pelestinning musteqilliq kürishini qollighanliqini teqdirligen hamasning, türkiyedin minnetdar bolghanliqini yetküzgenliki bildürüldi.

«sabah géziti», tashqi ishlar ministiri xaqan fidanning ottura sherqte ziyankeshlikke uchrawatqan xelqning ghezze xelqi ikenlikini éytqanliqini xewer qildi.

xewerde, xaqan fidanning, «biz rayondiki döletler bolush süpitimiz bilen, üchinchi tereplerning özining ichki toqunushlirini bu jughrapiyege yéyishini xalimaymiz» dégenliki qeyt qilindi.

«star géziti», tashqi ishlar ministiri xaqan fidanning qatar ziyaritide hamas siyasiy biyurosi bashliqi ismail heniyye bilen körüshkenlikini xewer qildi.

xewerde, körüshüshte ghezzege insanperwerlik yardemlirini yetküzüsh, urush toxtitish we esir almashturush mesililirining muzakire qilinghanliqi bildürüldi.

«hörriyet géziti», adalet we tereqqiyat partiyesi(AK Parti)  bayanatchisi ömer chelikning girétsiyening «muhit qoghdash paaliyiti» nami astida ege we iyon déngizini «déngiz baghchisi» dep élan qilish urunushlirigha héchqandaq shekilde ruxset qilmaydighanliqlirini éytqanliqini xewer qildi.

xewerde, ömer chelikning, «girétsiye her türlük süyiistémaldin yiraq turushi kérek. rayon weziyetning téximu keskinlishishige we zorawanliqlargha berdashliq bérelmeydu» dégenliki qeyt qilindi.