16.04.2024

türkiye awazi radiyosi: «hörriyet géziti», tashqi ishlar ministiri xaqan fidanning b d t bash katipi antoniyo gutérrés bilen téléfonda körüshkenlikini xewer qildi.

xewerde, körüshüshte rayon weziyiti, ghezzening ehwali, qibris mesilisi we qara déngizning qatnash bixeterliki qatarliq mesililerning muzakire qilinghanliqi qeyt qilindi.

«yéngi shepeq géziti», türkiye istixbarat idarisining bashliqi ibrahim qalinning amérika merkiziy axbarat idarisining bashliqi (CIA) wilyam burns (William Burns) bilen téléfonda körüshkenlikini xewer qildi.

xewerde, amérika merkiziy axbarat idarisining bashliqi wilyam burns héytta ibrahim qalingha téléfon qilip, iranning isirailiyege hujum qilishining aldini élish üchün wastichiliq qilishini telep qilghanliqi qeyt qilindi.

xewerde, ibrahim qalin burns bilen téléfon söhbitide, ghezzede urush toxtitishqa munasiwetlik özara pikir almashturghanliqi bildürüldi.

xewerde bildürülishiche, ibrahim qalin burns bilen söhbitini axirlashturghandin kéyin, hamas siyasiy biyurosining bashliqi ismail heniyye bilen téléfon söhbiti ötküzüp, ghezzede dawamlishiwatqan isirailiyening hujumliri, urush toxtitish muzakireliri, rayongha insanperwerlik yardemlirini yetküzüsh, esir almashturush we ghezzeliklerning yurt-makanlirigha qaytishi qatarliq mesililerni muzakire qilghan.

«sabah géziti», istanbul ayrodurumining 1 – apréldin 7 – aprélghiche bolghan ariliqta künige otturiche 1412 ayropilan sepiri bilen, yawropa boyiche eng awat ayrodurum bolghanliqini xewer qildi.

«star géziti», pakistanning b d t da turushluq daimiy wekili münir aqramning türkiye-pakistan munasiwetliri toghrisida söz qilghanliqini xewer qildi.

xewerde, münir aqramning, «shériklik munasiwitimiz, weziyet éniq emes we muqim bolmaywatqan bir waqitta, hem yawropa hemde ottura sherq we asiya üchün intayin muhim» dégenliki qeyt qilindi.