05.04.2024
bügünki türkiye metbuatida orun alghan bezi muhim xewerlerning qisqiche mezmunliri töwendikiche:
türkiye awazi radiyosi xewiri: «yéngi shepeq» géziti: jumhur reis rejep tayyip erdoghanning riyasetchilikide échilghan dölet xewpsizlik kéngishi yighinidin kéyin élan qilinghan yazma bayanatta, térrorluqqa qarshi turush kürishining ehmiyiti tekitlinip: «rayonimizning kelgüside térrorluq teshkilatliri we ularning qollighuchilirigha qetiy orun bérilmeydu» déyilgenlikini yazdi.
«xabertürk» gézit: türkiye jumhuriyiti dölet bixeterlik kéngishining bayanat élan qilip, xelqara jemiyetni «türkiyening ghezze xelqi we yardem teshkilatlirigha qaritilghan hujumlarni tézdin axirlashturup, rayongha téximu keng dairilik insanperwerlik yardimi yetküzüp bérish arqiliq uzun muddetlik tinchliqni qolgha keltürüsh tirishchanliqi»ni qollashqa chaqirghanliqini xewer qildi.
«weten» géziti: türkiye soda ministiri ömer bolatning türkiyening 3-aydiki éksportining 22 milyard 578 milyon dollargha yetkenlikini؛ 1-aydin 3-ayghiche bolghan jeryandiki éksportning bolsa, 63 milyard 700 milyon dollargha yétip, rékort yaritilghanliqini éytqanliqini yazdi.
«star» géziti: türkiyening mudapie sanaiti mehsulati bolghan <kaan> we <hürjet>lerdimu ishlitiliwatqan <tusash> qonush üskünisi bilen tarmaq sistémisining ereb birleshme xelipilikidiki eng chong mudapie we alem qatnishi shirketlirining diqqitini qozghighanliqini؛ mezkur sistémini tereqqiy qilduridighan <taaj> shirkitining tunji xelqaraliq toxtamini ereb birleshme xelipiliki bilen imzalighanliqini xewer qildi.
«sabah» géziti: yawropa awiyatsiye qatnishi bixeterlik teshkilatining 25-31-mart künlirini öz ichige alghan awiyatsiye qatnishi istatistikisigha qarighanda, istanbul ayrodurumi künige 1328 nöwetchi ayropilan qatnishi bilen yawropadiki eng awat ayrodurumgha aylanghanliqini yazdi.
