02.04.2024

«yéngi shepeq géziti», «saylighuchilardin adalet we tereqqiyat partiyesige uchur» serlewhilik xewiride, 31 - marttiki yerlik saylamlarda heyran qalarliq netijilerning meydangha kelgenlikini yazdi.

xewerde, «2002 - yildin buyanqi barliq saylamlarda ghelibe qilip kéliwatqan adalet we tereqqiyat partiyesi tunji qétim utuqqa érishelmidi. buninggha turmush xirajitining örlep kétishi we pinsiyege chiqqanlarning maash östürilishining yéterlik bolmasliqi tesir körsetti. saylighuchilarning bir qismi sanduqqa bélet tashlash üchün barmidi» déyildi

«weten géziti», «muawin jumhur reis jewdet yilmaz: <pul paxalliqigha qarshi küresh eng asasliq ishimiz> dédi» serlewhilik xewiride, munu uchurlargha orun ajratti:

muawin jumhur reis jewdet yilmaz: «bu yilning ikkinchi yérimidin étibaren pul paxalliqigha qarshi kürishimizning netijisini éniq körüshke bashlaymiz. shuning bilen maashlargha qoshup bérilgen ösüshilerning waqitning ötüshige egiship érip kétishining aldini alidighan, uzun muddetlik parawanliqni ishqa ashurimiz» dédi.

«sabah géziti», «türkiyege meblegh kérish bashlinidu» serlewhilik xewiride, amérika meblegh sélish bankisi <Goldman Sachs> ning iqtisadshunaslirining türkiyediki yerlik saylamlardin kéyin türk lirasigha baha bérip, «saylam tügep meblegh éqimining éshishishgha egiship türkiye lirasining yéqinqi aylargha sélishturghanda téximu yaxshilinidighanliqini mölcherlimektimiz» dégenlikini yazdi.

«star géziti», istanbul paychik bazirida <BIST 100> körsetküchining martta %0.56 töwenlep 9142.40 numur bilen tamamlanghanliqini, bu yilning birinchi pesilde qimmitining 22.39% örlep, dunya pay baziridinmu éship ketkenlikini xewer qildi.

«xeber türk géziti», «türkiye shifa doxturxanisidiki körünüshler heqqide bayanat élan qildi» serlewhilik xewiride, munu uchurlargha orun ajratti:

türkiye tashqi ishlar ministirliqi ghezzediki shifa doxturxanisida tartilghan körtünüshler heqqide bayanat élan qildi.

bayanatta: «shifa doxturxanisidiki körünüshler israiliyening pelestin xelqini qesten we sistémiliq halda yoqitishni meqset qilidighanliqining ispatidur. israiliye dairiliri yéqinqi alte ay ichide sadir qilghan jinayetler insaniyet tarixi boyiche yüz bergen eng chong wehshiylikler qataridin orun aldi. bu jinayetlerni sadir qilghuchilarning hemmisi sotlinidu. bu jinayetlerge köz yumghanlarning ismliri tarixqa chüshken qara dagh bolup qalidu» déyildi.