01.04.2024

türkiye awazi radiyosi: «xeber türk géziti», tünügün (31-mart) ötküzülgen yerlik saylam netijilirining élan qilinghanliqini xewer qildi.

xewerde, biresmiy netijilerge asaslanghanda, adalet we tereqqiyat partiyesining %35.4 awazgha, jumhuriyet xelq partiyesining %37.7 awazgha érishkenliki bildürüldi.

xewerde, saylam netijilirige asasen ekrem imamoghluning istanbul sheher bashliqi, mensur yawashning enqere sheher bashliqi we jemil tugayning izmir sheher bashliqi bolghanliqi qeyt qilindi.

xewerde yene, jumhur reis rejep tayyip erdoghanning saylam netijiliri üstide toxtilip, «bu saylamda démokratiye ghelibe qildi, milliy irade ghelibe qildi» dégenliki bildürüldi.

«sabah géziti», jumhur reis rejep tayyip erdoghanning tünügün iran pirézidénti ibrahim reisi bilen téléfonda körüshkenlikini xewer qildi.

jumhur reislik mehkimisi uchur-alaqe ishliri idarisining bayanatida bildürülishiche, erdoghan-reisi téléfon söhbitide, ikki dölet munasiwetliri bilen isirailiyening pelestin zéminlirigha qiliwatqan hujumliri we rayondiki insaniy weziyet muhakime qilinghan.

«star géziti», tashqi ishlar ministiri xaqan fidanning seudi erebistan tashqi ishlar weziri faysal bin ferxan bilen téléfonda körüshüp, ghezzening nöwettiki weziyiti, ikki dölet munasiwetliri we rayon xaraktérlik mesililerni muzakire qilghanliqini xewer qildi.

«hörriyet géziti», paraxot sayahetchilikide yanwar we féwral (2024) aylirida 23 paraxotning türkiyege kelgenlikini xewer qildi.

xewerde, türkiyediki sekkiz portqa lengger tashlighan paraxotlarda, 23 ming 47 sayahetchining barliqi bildürüldi.