22.03.2024

türkiye awazi radiyosi: weten: türkiye jumhuriyiti tashqi ishlar ministiri xaqan fidanning biryussélda ötküzülgen tunji nöwetlik yadro énérgiyesi bashliqlar yighinida söz qilip: «ghezzede qirghinchiliq dawam qiliwatqan bir peytte, israiliye emeldarlirining yadro qorali toghrisidiki bayanlirini peqet <biperwaliq> depla ötküzüwetkili bolmaydu» dégenlikini oqurmenlirining diqqitige sundi.

«star» géziti: türkiye jumhuriyiti dölet mudapie ministirliqining: «biz iraq chégrasida bixeter rayon berpa qilip, dölitimizge kélidighan tehditke yiraqtin taqabil turushni hemde qatnash we énérgiye türliri arqiliq rayonning güllinishige töhpe qoshushni nishan qilmaqtimiz» dégen bayanatini oqurmenliri bilen ortaqlashti.

«hürriyet» géziti: türkiyening xelqara sehnilerde tashlawatqan qedemlirining girétsiye metbuatlirining diqqitini tartqanliqini yazdi؛ gézitning xewiride körsitilishiche, türkiyening heriketlirini muhakime qilghan qoshna dölet taratqusi «In.gr», enqerening künséri küchiyiwatqan tesirini bir xerite arqiliq izahlap, «enqerening rayonda mahirliq bilen özini kücheytiwatqanliqi»ni otturigha qoyghan.

«yéngi shepeq» géziti: ispaniye bilen gérmaniyening dölet halqighan shirkiti —nordéks guruhi bash mudiri josé luis blankoning, shirketning türkiyege salghan quruqluqtiki shamal éléktir istansisi meblighini köpeytidighanliqini bildürüp: «kéler yili biz 1 gigawatliq shamal éléktir istansisi qurush üchün, 1 milyard yawro (35 milyard 300 milyon TL) meblegh sélishni pilanlawatimiz» dégenlikini yazdi.

«xabertürk» géziti: türkiye jumhuriyiti déhqanchiliq we ormanchiliq ministiri ibrahim yumaklining ghaziantepning araban tüzlenglikide östürülgen samsaqning yawropa ittipaqining jughrapiyelik mehsulat körsetküchige érishkenlikini, buning bilen, yawropa ittipaqining jughrapiyelik mehsulat körsetküchige érishken mehsulatlar sanining 21 ge yetkenlikini bildürgenlikini yazdi.