20.03.2024

türkiye awazi radiyosi: «hürriyet» géziti: jumhur reis rejep tayyip erdoghanning yer tewresh rayonidiki minglarche yéngi öy qurulushining téz sürette dawam qiliwatqanliqini éytqanliqini xewer qildi.

gézitning xewiride körsitilishiche, séliniwatqan yéngi öyler sanining yawropadiki nurghun döletning nopusi we öy sanidin köp ikenlikini tekitligen erdoghan, özlirining yer tewresh rayonida dunyadiki eng yaxshi eslige keltürüsh xizmitini ishqa ashurghanliqini bildürgen.

«weten» géziti: esirning apitining éghir zerbisige uchrighan 11 wilayettiki yene 30723 apetke uchrighuchining öylirini tapshurup alghanliqini yazdi.

xewerde körsitilishiche, jumhur reis erdoghan bir yérim ay ichide yer tewresh rayonida 76 mingdin artuq yéngi öyning pütküzülgenlikini, yil axirighiche bu sanning 200 minggha yetküzülidighanliqini éytqan.

«sabah» géziti: iraqning shimalidiki metina, zap, xakurk, gara we qandil rayonliridiki p k k térrorluq teshkilati ishlitiwatqan 27 orungha hawadin zerbe bérilgenlikini xewer qildi.

xewerde, türkiye jumhuriyiti dölet mudapie ministirliqining bayanat élan qilip: «biz héchbir shéhitimizning qénini yerde qoymiduq, qoymaymiz!» dégenliki qeyt qilindi.

«star» géziti: iraqning shimalidiki p k k tehditini yoqitish mesiliside kélishken türkiye bilen iraqning, diqqitini tashlinidighan qedemlerge merkezleshtürgenlikini, aldimizdiki künlerde baghdadtin kélidighan bir ümek bilen munasiwetlik mesililerning muzakire qilinip qarar chiqirilidighanliqini yazdi.

xewerde körsitilishiche, terepler söhbetlishish arqiliq p k k ni yoqitish pilanini öz ichige alghan 25 maddiliq bir ramka kélishmini imzalaydiken.

«xabertürk» géziti: türkiyening polat-tömür sanaiti ékisportining bu yilning aldinqi ikki éyida 2023-yilining oxshash mezgilige sélishturghanda %15.8 éship, 2 milyard 503 milyon 142 ming dollargha yetkenlikini yazdi.

xewerde, ruméniyening polat éksportida 192 milyon 284 ming dollar bilen birinchi؛ italiyening 136 milyon 499 ming dollar bilen ikkinchi, gérmaniyening 122 milyon 471 ming dollar bilen üchinchi orunda turghanliqi qeyt qilindi.