14.03.2024

türkiye awazi radiyosi: «xeber türk géziti», jumhur reis rejep tayyip erdoghanning tünügün (13-mart) bayanat élan qilip, «bölgünchi térrorluq teshkilati bu zéminlarda ornitilmaqchi bolghan zulum tertipining dawamlishishi üchün, dölitimizning béshigha bala qilindi. biraq, biz yéqinqi 21 yilda emelge ashurghan démokratiye we tereqqiyat inqlabliri arqiliq bu oyunni buzduq» dégenlikini xewer qildi.

«hörriyet géziti», tashqi ishlar ministirliqi bayanatchisi önjü kechelining axbarat élan qilish yighinida, ministir xaqan fidanning amérika ziyaritide térrorluqqa qarshi küresh mesiliside washingtongha éniq signalning bérilgenlikini éytqanliqini xewer qildi.

«sabah géziti», énérgiye we tebiiy bayliqlar ministiri alparslan bayraktarning bu yil (2024) énérgiye saheside yéngi keshiplerning kütülüwatqanliqini bildürüp, «qaradéngizdiki üch muhim orunda bu yil ichide tekshürüsh ishlirini bashlaymiz» dégenlikini xewer qildi.

«weten géziti», jumhur reislik mehkimisi mudapie sanaiti shirkitining bashliqi xaluq görgünning 2018-yildin 2022-yilghiche bolghan mezgilde yer shari qoral-yaragh ékisportining %1.1 ni igellep 12-rettin orun alghan türkiyening, 2019-yildin 2023-yilghiche bolghan mezgilde bu reqemni %1.6ke chiqirip 11-retke örligenlikini éytqanliqini xewer qildi.