04.03.2024
bügünki türkiye gézitliride asasiy salmaqni igiligen muhim xewerlirimizning qisqiche mezmunliri töwendikiche:
türkiye awazi radiyosi: «sabah géziti», jumhur reis rejep tayyip erdoghanning pakistan bash ministiri shahbaz sherif bilen téléfonda körüshkenlikini xewer qildi.
xewerde, körüshüshte türkiye-pakistan munasiwetliri, rayon we xelqaraliq mesililerning muzakire qilinghanliqi bildürüldi.
xewerde, rejep tayyip erdoghanning shahbaz sherifni qaytidin bash ministirliqqa saylanghanliqini tebrikligenliki we yéngi dewrde türkiye-pakistan munasiwetlirining chongqurlashqan halda tereqqiy qilidighanliqigha ishinidighanliqini éytqanliqi qeyt qilindi.
«xeber türk géziti», tashqi ishlar ministiri xaqan fidanning ghezzede urush toxtitish üchün uchrishishlarning dawamlishiwatqanliqini bildürüp, «ramizan bashlinishtin ilgiri urush toxtitishni emelge ashurush üchün chong ümid we zor tirishchanliqlar bar» dégenlikini xewer qildi.
xewerde, xaqan fidanning kéler hepte amérika tashqi ishlar ministiri antoni blinkénning teklipige binaen amérikani ziyaret qilidighanliqini éytqanliqi bildürüldi.
«star géziti», wéngiriye tashqi ishlar we soda ministiri pétérning antalya diplomatiye munbiri üstide toxtilip, «bu gherbiy yawropa bolmighan b d t omumiy kéngishige oxshidi» dégenlikini xewer qildi.
xewerde, pétérning antalya diplomatiye munbirige qatnashqan nurghun afriqa döletliri rehberlirining ünümi yuqiri bolghan uchrishishlarni ötküzüsh pursitige érishkenlikini eskertip, «dunya bilen uchrishish üchün pütkül dunyani aylinishqa mejbur qalmiduq» dégenliki qeyt qilindi.
«yéngi shepeq géziti», türkiye dölet mudapie ministirliqining üch bashqurulidighan bombini teng birla waqitta atalaydighan «HİSAR-O» bashqurulidighan bomba sistémisining widéosini tarqatqanliqini xewer qildi.
xewerde, mezkur bashqurulidighan bomba sistémisining üch bashqurulidighan bombini teng birla waqitta qoyup bérish aptomobili, bir dane hawa qalqan radari we bir dane kontrol merkizidin terkip tapidighanliqi qeyt qilindi.
