21.02.2024
bügünki türkiye gézitliride asasiy salmaqni igiligen muhim xewerlirimizning qisqiche mezmunliri töwendikiche:
türkiye awazi radiyosi: «xeber türk géziti», jumhur reis rejep tayyip erdoghanning albaniye bash ministiri rama bilen birlikte ötküzgen axbarat élan qilish yighinida, türkiyening ikki dölet munasiwetlirini tereqqiy qildurushni xalaydighanliqini éytqanliqini xewer qildi.
xewerde, rejep tayyip erdoghanning, «albaniye b d t diki pelestin üchün awaz tashlashta, tarixning toghra teripide turdi» dégenliki qeyt qilindi.
xewerde yene, albaniye bash ministiri ramaning türkiyening nurghun mesililerde albaniyeni qollighanliqini, bulardin minnetdar ikenliklirini éytqanliqi bildürüldi.
«hörriyet géziti», albaniye bash ministiri ramaning, «ghezzede urush toxtitishning waqti alliqachan yétip keldi. esirler qoyup bérilishi kérek. türkiye etining bixeterlikini saqlashta muhim rol oyniyalaydighan dölet» dégenlikini xewer qildi.
«sabah géziti», tusash (türkiye awiyatsiye we alem qatnishi shirkiti) motor sanaiti bash mudiri mehmut faruq akshitning, reqiplirige sélishturghanda yuqiri téxnikiliq uchqu motorlirini yasighanliqlirini éytqanliqini xewer qildi.
xewerde, bash mudir mehmut faruq aqshitning, «dunyada reqiplirimiz köp, emma biz yasighan moturlar nahayiti küchlük we yaxshi. shunga, chet ellerdin köp telep bar» dégenliki qeyt qilindi.
«yéngi shepeq géziti», amérika kongresining tunji qétim amérikada yashaydighan bir türkiye puqrasini, yashawatqan ishtatta xelq üchün qoshqan töhpisi sewebidin mukapatlighanliqini xewer qildi.
xewerde, türkiyelik hüseyin bayramning amérikada uzun yillardin buyan türkiye yémek-ichmek medeniyitining tonitilishi üchün xizmet qilghanliqi bildürüldi.
