07.02.2024

türkiye awazi radiyosi: «xabertürk» géziti: jumhur reis rejep tayyip erdoghanning tünügün qahramanmarashta ötküzülgen yer tewresh turalghuliri chek tashlash we tarqitip bérish murasimida söz qilip: «yer tewreshning intayin éghir qish hawasi höküm sürüwatqan deslepki künliride pidakarliq bilen yer tewresh rayonigha yétip kelgen qehrimanlirimizning héchbirini untup qalmaymiz» dégenlikini yazdi.

xewerde körsitilishiche, tünügünki murasim jeryanida 9289 öy chek tashlash arqiliq békitilgen kishilerge tapshurup bérilgen.

«star» géziti: türkiye jumhuriyiti tashqi ishlar ministiri xaqan fidanning, türkiyening liwiyede sherq bilen gherb yaki her qandaq terepler otturisida urushning qayta bashlinip kétishini xalimaydighanliqini tekitlep: «biz bénghazidiki konsulxanimizni qaytidin échishni qarar qilduq, uni pat yéqinda achimiz» dégenlikini oqurmenliri bilen ortaqlashti.

«weten» géziti: yanwar éyida sherqiy qara déngiz rayonidin éksport qilinghan türkiye salmun béliqining yilliq nisbette %59 éship, 11 milyon 240 ming 719 tonnigha yetkenlikini xewer qildi.

«sabah» géziti: türkiye istatistika orginining türkiye nopusining 2023-yili 2022-yiligha sélishturghanda 92 ming 824 adem köpiyip, 85 milyon 372 ming 377 ge yetkenlikini xewer qildi.

«hürriyet» géziti: amérika inawet derijisini bahalash orgini — fitchning bayanat élan qilip, türkiye qatarliq tereqqiy qiliwatqan eng chong toqquz döletke kiridighan mebleghning bu yil (2024)  yéqinqi 10 yilning eng yüksek pellisige yétip, 200 milyard dollargha yétishini mölcherlewatqanliqini otturigha qoyghanliqini xewer qildi.