01.02.2024

türkiye awazi radiyosi: «star géziti», jumhur reislik uchur-alaqe ishliri idarisining bashliqi fahrettin altunning awstiriyede chiqidighan «Die Presse» gézitide maqale élan qilghanliqini xewer qildi.

maqalide, bügünki türkiyening özining chégrasidila emes, belki rayon we dunyada belgiligüchilik rol oynaydighan, özige qarshi qurulghan tuzaqlarni buzup, mesililerni we kirizislarni hel qilishta aktip rolini jari qilduridighan bir döletke aylanghanliqi eskertildi.

«hörriyet géziti», qatnash ministiri abdulqadir uraloghluning tünügün (31-yanwar), istanbulda ötküzülgen «ukrainaning qayta qurulushi munbiri» de söz qilip: «ukrainaning zémin pütünlüki we bixeterliki biz üchün intayin muhim. jumhur reisimizmu bu nuqtida iradisini nahayiti éniq körsetti. inshaallah qisqa waqit ichide ukrainaning tinchliqi we zémin pütünlüki emelge ashqusi» dégenlikini xewer qildi.

 «sabah géziti», medeniyet we sayahet ishliri ministiri mehmet nuri ersoy tünügün sayahetchilik toghrisida qilghan sözide, 2023-yilda türkiyege 56.7 milyon sayahetchining kelgenlikini we sayahetchiliktin jemiy 54.3 milyard dollar kirim qilinghanliqini éytqanliqini xewer qildi.

«weten géziti», istanbul ayrodurumining yawropa ayropilan seperliri bixeterliki teshkilatining doklatida, 20204-yili 15-yanwardin 21-yanwarghiche otturiche hésab bilen künlüki emelge ashurulghan 1 ming 301 ayropilan sepiri bilen, yawropaning eng awat ayrodurumi bolghanliqining élan qilinghanliqini xewer qildi.