26.01.2024

türkiye awazi radiyosi: «xabertürk» géziti: jumhur reis rejep tayyip erdoghanning jenubiy afriqa pirézidénti ramafosa bilen téléfonliship, israiliyening pelestinge qaratqan hujumliri, ikki dölet munasiwiti we dunyawi mesililer toghrisida söhbetleshkenlikini xewer qildi.

gézitning xewiride körsitilishiche, erdoghan bu heqqaniy déloni kishilik hoquqqa uyghun shekilde netijilinishi we israiliyening tégishlik jazagha tartilishigha kapaletlik qilish üchün, türkiyening pütün küchi bilen tirishchanliq körsitidighanliqini bildürgen.

«sabah» géziti: jumhur reis rejep tayyip erdoghanning türkiye büyük millet mejlisi teripidin qobul qilinghan <shiwétsiyening shimaliy atlantik ehdi teshkilatigha eza bolushi>gha munasiwetlik qanunning élan qilinishigha qarar qilghanliqini we alaqidar höjjetni imzalap, munasiwetlik kélishimni testiqlighanliqini yazdi.

«hürriyet» géziti: jumhur reis erdoghan riyasetchilik qilghan dölet bixeterlik kéngishi yighinidin kéyin élan qilinghan yazma bayanatta: «dölitimizge xewp peyda qilidighan barliq térrorluq teshkilatliri we ularning gumashtilirigha— xelqara qanunda körsitilgen heq-hoquqimiz dairiside— zaman we makanning qandaq bolushidin qetiynezer, zerbe bérishni dawamlashturimiz» dégen ibarilerge orun bérilgenlikini xewer qildi.

«yéngi shepeq» géziti: türkiye jumhuriyiti dölet mudapie ministirliqining amérika qoshma ishtatlirining süriyedin chékinidighanliqi toghrisidiki xewerler heqqide bayanat élan qilghanliqini yazdi.

gézitning xewiride körsitilishiche, bayanatta, bu heqte élan qilinghan resmiy bayanatni we tashlanghan emeliy qedemni körmey turup, bu xil xewerlerge éhtiyatchanliq bilen muamile qilish kérekliki otturigha qoyulghan shundaqla rayonning mudapie we bixeterlikige munasiwetlik barliq özgirishlerning yéqindin közitilidighanliqi tekitlengen.

«star» géziti: qazaqistanda ötküzülgen 21-nöwetlik astane söhbet yighinida, méxanizimning képil döletliri bolghan türkiye, rusiye we iranning térrorluqqa qarshi turush, süriye zéminliridin paydilinip qiliniwatqan hujumlar we soqunup kirish qatarliq qoshna döletlerning dölet bixeterlikige tehdit salidighan bölgünchi heriketlerge qarshi hemkarliqni dawamlashturushning qarar qilinghanliqini xewer qildi.